Llanes siguirá cola ufierta de trabayu, unu de los caballos de batalla del edil asesináu

Interroguen al personal interín del Ayuntamientu pola so rellación con Javier Ardines

L’alcalde de Llanes, Enrique Riestra Rozas, confirmó güei que siguirá alantre cola uferta pública de trabayu, unu de los caballos de batalla del conceyal asesináu va dos selmanes.

La Guardia Civil interroga al personal interín del Ayuntamientu de Llanes sobre qué rellación teníen col edil asesináu.

Javier Ardines tenía un conflictu colos interinos del consistoriu, en particular colos afectaos pola ufierta de trabayu públicu de 2017 que pensaba sacar 16 places, una decisión recurrida pol sindicatu UXT.

Güei l’alcalde, Enrique Riestra, recordó qu’hai tres sentencies qu’avalen esa ufierta de trabayu y dio anuncia de que sacarán 30 places más, la totalidá del personal interín municipal. Riestra volvió a apelar a la collaboración ciudadana pa resolver el crime.