Los acusaos d'asesinar a Ardines piden la nulidá de pruebes

Les defenses dicen que les declaraciones llográronse so coacciones policiales

Les defenses de los cuatro acusaos del asesinatu del conceyal d'IX en Llanes Javier Ardines pidieron esti llunes a l'Audiencia Provincial la nulidá de les declaraciones del presuntu intermediariu y d'unu de los presuntos sicarios al considerar que se llograron so coacciones policiales, lo que, al so xuiciu, desmontaría cualquier trama organizada.

La Sección Segunda de l'Audiencia Provincial d'Uviéu celebró güei a puerta zarrada la vista oral pa decidir sobro les cuestiones previes del procedimientu, onde la Fiscalía y l'acusación particular en nome de la familia d'Ardines refugaron los pidimientos de les defenses al considerar que se cumplieron tolos requisitos llegales.

Les defenses de los cuatro acusaos, sicasí, consideren que les pruebes que llevaron a la so identificación son nules de plenu derechu por llograse irregularmente so coacciones.​