Los bomberos de Xixón amiéstense a la campaña 'Una guardia por Eloy'

La iniciativa recauda fondos pa donar a la familia d’Eloy Palacio

La Coordinadora Unitaria de Bomberos Profesionales dio esta mañana a los bomberos de Xixón les camisetes acreditándolos como collaboradores na campaña 'Una Guardia por Eloy'.

La iniciativa recauda fondos pa donar a la familia d’Eloy Palacio, fináu na quema de la cai Uría d’Uviéu.

Nel actu participaron compañeros d’Eloy y un representante de cada turnu del parque de Xixón. Les sos donaciones amiéstense a les de bomberos de parques de toa España.

La coordinadora pide que se faga una llei que protexa a estos profesionales. Aseguren que si Eloy Palacio actuó de forma imprudente, como dixo la xusticia, el trabayu de tolos bomberos ye una amuesa d’imprudencia constante.