Los condergaos pol Casu Renedo ingresen esti llunes en prisión

En casu contrariu ordenaríase la so busca y captura

Los principales condergaos pol casu Renedo tendrán qu'entrar esti llunes en prisión, enantes de les 00:00. Asina lo afitó la Sección Tercera de l'Audiencia Provincial.

En casu de que nun ingresen en prisión ordenaríase la so busca y captura.

D'esta miente dase cumplimientu a la setencia del Tribunal Supremu que condergaba a nueve años de cárcel a la ex-funcionaria Marta Renedo, cinco pal ex-conseyeru José Luis Iglesias Riopedre, la so númberu dos María Jesús Otero y l'empresariu Víctor Muñiz y dos años y ocho meses pal tamién empresariu Alfonso Sánchez.

Una vegada en prisión podríen llograr beneficios penitenciarios, pero pa ello tendrán qu'abonar enantes la responsabilidá civil, un dineru qu'entá nun se cuantificó.

L'Audiencia da agora'l plazu d'un mes al Principáu pa que diga a cuánto xuben los daños y perxuicios causaos a l'Alministración rexonal por esta trama corrupta.