Piden pa tolos refuxaos un accesu a la protección como la d'Ucraína

La Xunta Xeneral del Principáu celebra'l Día Internacional del Refuxáu

"Tolos refuxaos arrastren dolores asemeyaos y tienen necesidaes mui paecíes", alvirtió güei la kazaxa Adema Kuandykova na so intervención nel parllamentu asturianu pa reclamar de les autoridaes polítiques víes d’accesu a la protección pa esti colectivu, venga d’onde venga, asemeyaes a les habilitaes na XE pa los ucraínos.

Kuandykova treslladó esti mensaxe, xunto al yemení Mohammed Abdu Ahmed al-Bokari, na celebración na Xunta Xeneral del Principáu del Día Internacional del Refuxáu, que-y valió p’alvertir que l’actuación europea nel casu de la guerra d’Ucraína, afita que ye posible habilitar víes llegales "reales y de fácil accesu" a la protección pa los desplazaos.

Los dos intervinieron nun actu celebráu nel Salón Européu de la Cámara asturiana énte representantes de los distintos grupos parllamentarios que cuntó, amás, cola participación de la presidenta de la Coordinadora de les ONGD del Principáu, Ana Andrés Ablanedo, que defendió eliminar "estigmes y prexuicios" pa construyir "sociedaes acoyedores".