Los sindicatos denuncien amenaces a emplegaos énte la fuelga en supermercaos

Los trabayadores dicen recibir alvertencies sobre les consecuencies pal so futuru llaboral na empresa

Los sindicatos UXT, CCOO y USO denunciaron énte la Dirección Xeneral de Trabayu les amenaces que tán recibiendo los emplegaos de delles empreses de supermercaos énte la fuelga convocada nestes Navidaes y a la que tán llamaos 12.000 trabayadores.

Nun comunicáu, estes organizaciones sindicales afirmen qu'hai mandos intemedios qu'empezaron a preguntar a los trabayadores si van secundar la convocatoria, daqué que según recuerden ye "illegal dafechu " porque nun tienen obligación de facer comunicación previa a la empresa.

Los emplegaos, aseguren, tán recibiendo "constantes amenaces sobro les consecuencies que pal so futuru llaboral na empresa tien el siguimientu o non de les movilizaciones".

Los sindicatos tamién denuncien que delles empreses tán entamándose pa cubrir los puestos de los emplegaos que vayan faer fuelga, daqué que tamién ye illegal.

Los sindicatos remarquen que "la solución nun ta nes amenaces sinón nel dialogu y la negociación".

Los trabayadores del sector minorista de l'alimentación ratificaron el pasáu domingu la convocatoria de fuelga pa los díes 21, 22, 23, 24, 28, 29, 30 y 31 d'avientu.