Los trabayadores de Vesuvius concéntrense n’Uviéu en sofitu a los enzarraos

La postura de los trabayadores y de la empresa sigue mui separtada

La postura de los trabayadores de Vesuvius y de la empresa, sigue mui separtada. Poro, los trabayadores pidirán otra vuelta mañana que llevante l’ERE d’estinción y s’afite un ERTE temporal.

Fadránlo nuna nueva xunta de mediación que ta convocada pa les 11:00 de la mañana nel Sasec n’Uviéu.

Esti mediudía volvieron a concentrase na plaza de la Catedral d’Uviéu. Trabayadores, familiares y vecinos xúnense pa sofitar a los enzarraos dientro’l templu.

Los trabayadores aseguren que tán animaos y con fuerces pa siguir con esti enzarru que cumple yá cuatro díes.