Mercedes Fernández niega presiones de la candidatura de Sáenz de Santamaría

Insiste nel so apueste pol protagonismu de la muyer en política

Escontra de lo denunciao estos díes por Pablo Casado, Mercedes Fernández niega que tea habiendo presiones pa sofitar la candidatura de Soraya Sáenz de Santamaría.

La presidenta de los populares asturianos sí confirma contactos telefónicos con dambos candidatos, anque defende qu'eso nun ye presión.

Anque dende la candidatura de Casado aseguren cuntar yá colos votos de los fieles, como Mercedes Fernández, hasta agora a Dolores de Cospedal, los 64 compromisarios qu'apurre Asturies, asegura, tán entá en fase d'escuchar propuestes.

Magar que, la presidenta rexonal del PP apuesta pol protagonismu de la muyer na política.

Tamién destacó que ye mui posible qu'enantes del congresu, Sáenz de Santamaría visite Asturies. Nun ye'l casu de Casado quien, en conversación telefónica, tresmitió-y que quiciabes se treslladara estos díes a la rexón dalgún miembru de la so candidatura.