Nacho Cuesta defende la unidá interna de Ciudadanos

El coordinador rexonal de Ciudadanos Asturies reitera'l so "non" dafechu a la oficialidá

El coordinador rexonal de Ciudadanos Asturies, Nacho Cuesta, defende la unidá interna del so partíu y señala que los dos diputaos críticos actúen con una estratexa personalista que nun los conduz a nengún llau. Píde-yos qu’actúen en consecuencia si nun tán d’alcuerdu col partíu.

Nuna entrevista en TPA Noticies Matinal, Cuesta faló sobre’l presupuestu. Señala que ficieron xuntes técniques, gústa-y la propuesta fiscal de Foro, qu’inxertaría nos presupuestos pero’l Gobiernu nun la venceya con esa negociación. Pide midíes pa impulsar l’actividá económica y énte la opción d’un presupuestu malu pal so gustu y una prórroga.

Reitera el so “non” dafechu a la reforma del Estatutu si conlleva la oficialidá del asturianu y recuerda que l’actual norma garantiza los derechos de los falantes d’asturianu.

Nacho Cuesta asegura que tán cumpliendo’l calendariu pa la reforma de la entrada a la ciudá pela autopista 'Y'. Los trabayos tendríen que tar terminaos en 2023 pa disponer de financiación europea pa reformar la entrada a Uviéu dende la 'Y'​. Hai tres fases de tramitación y trabáyase con dos posibilidaes.