Nela de Bres, un gaiteru embaxador de Taramundi

Una pasión pola música que nació cuando yera un neñu

El nome de Manuel Enrique Fernández nun ye mui conocíu, pero si lo camudamos por Nela de Bres camuda too. Tamos énte una d'eses persones que se faen querer, un embaxador del so conceyu y con una gran afición, la música.

La so infancia, como la de munchos de los sos collacios, vivióla cuidando oveyes en vez de dir a clase. A vegaes, llegaba'l maestru a casa.

Nela de Bres entamó na música de neñu. Facía xiblates de madera cola navaya. Pero'l so amor pola gaita llegaría a los 13 años, cuando una vecina regaló-y una.

Dende so casa, lloñe, sentía un gaiteru y deprendió les sos canciones. Pero aparcó la so afición 30 años hasta que cumplió los 47 y, un día na Feria de la Garganta, realcontróse otra vuelta con esti instrumentu.

Ellí había un vendedor y Nela quedó namoráu d'una de les sos gaites.

Güei ye unu d'esos gaiteros que nun falten en nenguna fiesta o romería de la zona. Toca con collacios, en bodes o en comuniones.

Los gaiteros más mozos párenlu pela cai. Y ye que'l so éxitu ta en que tien toles canciones na cabeza. Cola so gaita tuvo yá munches aventures.

Inclusive sacó un discu. Nela tien 81 años y unes ganes fuera de lo normal pa siguir dando muncha guerra, xunto cola so compañera de viaxe.