Webcams
Buscar
Podemos suspende de militancia a la so única diputada nel parllamentu asturianu
Podemos suspende de militancia a la so única diputada nel parllamentu asturianu
La formación morada abre un espediente disciplinariu a Tomé, Tuero y Elipe
La Comisión Estatal de Garantíes de Podemos acordó la suspensión cautelar de militancia de la so única diputada nel parllamentu asturianu, Covadonga Tomé, al considerar que protagonizó situaciones irregulares y perxudiciales pa la imaxe del partíu nun procesu electoral y qu’intentó romper el correctu funcionamientu de los sos órganos.
Tomé tien un enfrentamientu coles direcciones rexonal y nacional de Podemos dende que foi escoyida pola militancia como cabeza de llista pa les elecciones autonómiques del mes de mayu pasáu al frente d’una candidatura formada por otros dirixentes del sector críticu como Laura Tuero y Xune Elipe, a los que la formación morada tamién espedientó y suspendió de militancia.
L’espediente disciplinariu alude a distintes declaraciones feches por Tomé dempués de ser designada cabeza de llista nes autonómiques y por promover, yá como diputada, un alcuentru col entós candidatu socialista a la Presidencia, Adrián Barbón, pa decidir el sen del votu de Podemos na so investidura "ensin atenese a les decisiones tomaes polos órganos de dirección".
Comparte
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL