Webcams
Buscar
Los contenedores son peligrosos pa la salú de los vecinos y pol riesgu de quema
Una docena de manifestantes concentróse delantre de la Casa de Cultura de Grau, coincidiendo cola celebración d'un plenu estraordinariu nel que, ente otros puntos, tratábase la instalación de los parques de bateríes.
Una manifestación que vien motivada pola espublización güei nel BOPA de dos proyectos pa la instalación de dos parques de bateríes, unu en Villaviciosa y l'otru en Grau. En concreto, allúgase na villa, na sienda del ríu Cubia, a unos 300 metros del antiguu hotel Palper.
La plataforma Stop Bateríes d'Asturies, quien convocó la manifestación, defende que nun tien sentíu l'allugamientu d'estos contenedores d'enerxía na zona rural porque suponen un peligru pa la salú de los vecinos. Amás, sollerten de que son peligrosos pol riesgu de quema.
Güei nel plenu hebo unanimidá por parte de tolos partíos políticos, que se manifestaron a la escontra de la execución d'estos proyectos y lleven al plenu la propuesta de suspendelos a lo menos un añu por cuenta de la falta de regulación.
