Restauraes 70 víes d'escalada en Los Picos d'Europa

L'oxetivu foi ser lo más fiel posible al trazáu orixinal de les víes

La collaboración ente la Federación de Monte del Principáu y el Parque Nacional de los Picos d'Europa en 20 años dexó intervenir en 150 víes d'escalada, de les que 70 fueron restauraes o revisaes.

L'oxetivu foi ser lo más fiel posible al trazáu orixinal de les víes amestando, eso sí, elementos nuevos de seguridá.

Actuóse por exemplu na cara oeste d'El Picu Urriellu o na cara sur de Peña Santa. Un trabayu de gran dificultá non solo pol desnivel vertical, sinón pola importante loxística que necesita.

Dende la federación pídese al Parque Nacional de los Picos d'Europa que llevante les restricciones y dexe un mayor averamientu del material a les zones onde intervienen anguaño.