Saénz de Santamaría y Casado faen campaña n'Asturies

La macrooperación policial en dellos ayuntamientos centra parte de los sos discursos

Soraya Sáenz de Santamaría y Pablo Casado ficieron campaña güei n'Asturies. Santamaría fízolo n'Uviéu y Casado tuvo Xixón. Nos sos discursos los dos falaron de la macrooperación policial en dellos ayuntamientos d'España.

Sáenz de Santamaría dixo que casos como'l de güei demuestren que la corrupción dase en tolos partíos y llamentaron que'l Partido Socialista namás s'esmoleza pola corrupción de los otros.

Respecto a Asturies dixo que si ella representa al Partido Popular ocuparáse de que se cumpla lo yá comprometío col Principáu.

Pela so parte, el precandidatu a la Presidencia del PP Pablo Casado afirmó que nel so proyectu de partíu "nun cabe la corrupción" y conseñó que sedrá "implacable escontra cualquier conducta irregular".

Entrugáu pola so proximidá ideolóxica con José María Aznar, Casado reclamó la so propia autonomía ensin renunciar al legáu rellumante de los tres presidentes que tuvo'l Partido Popular.

La presidenta del PP n'Asturies, Mercedes Fernández tuvo colos dos aspirantes, anque llegó al actu de Casado cuando yá acabara.