Testimoniu d'un testigu que vio l'agresión a David Carragal

El conteníu de la so declaración ye esclariador, según Juan Jesús Herranz Yuberos

El testimoniu d'un testigu que vio l'agresión a David Carragal el pasáu 11 de xunu y al que la Policía tomó declaración esta selmana, ye bien esclariador sobre cómo pasó, según el Xefe Cimeru de Policía n'Asturies, Juan Jesús Herranz Yuberos.

Asina lo señaló nuna entrevista concedida a TPA Noticies. "Esta mesma selmana avanzamos d'una forma importante col testimoniu d'una persona que taba nel estranxeru y que vio los fechos en directo", señaló Herranz Yuberos.

"El conteníu de la so declaración yá se dio tanto a l'autoridá xudicial como al ministeriu fiscal y califica’l grau de participación", amestó

Por mor d'esa agresión el mozu de 32 años finó díes dempués.