Trabayadores y sindicatos llamen a una manifestación masiva pa presionar a Alcoa

Piden a los asturianos salir a la cai'l 8 de payares

Trabayadores y Sindicatos d'Alcoa faen un llamamientu a tolos asturianos a salir a la cai'l 8 de payares pa manifestase escontra'l zarru de la factoría d'Aviles.

Una manifestación que va entamar a les 19:00 na plaza'l Vaticanu y que va percorrer les cais d'Avilés hasta llegar a la plaza España.

A esa manifestación ta previsto qu'asistan tamién trabayadores d'Alcoa de Galicia. Espérase una asistencia masiva que dexe claro al gobiernu de Pedro Sánchez la importancia que la industria tien p'Asturies.

Alcoa ye, según los sindicatos, l'enemigu al qu'hai que presionar hasta que retire l'espediente de regulación d'empléu y garantice la continuidá de l'actividá a partir de 2019.