Treslladada la documentación del casu Renedo al Supremu

La documentación empaquetada contién más de 60.000 folios

Esta mañana entamaben a salir de l’Audiencia Provincial una ventena de caxes cola documentación del casu Renedo.

Dos operarios fueron los encargaos de facer esta mudanza dende l’Audiencia Provincial hasta’l Tribunal Supremu de Madrid. Enagora les decenes d’archivadores almacenábense nuna sala especial.

La documentación empaquetada contién más de 60.000 folios qu’agora utilizará l’altu tribunal p’analizar los recursos que puen presentase dende ayeri, y nun plazu de 15 díes.

Tolos abogaos de los condenaos yá dieron anuncia de que recurrirán.

El Supremu tendrá qu'afitar o non la sentencia de l’Audiencia que pon penes de cárcel al ex-conseyeru d’Educación, José Luis Iglesias Riopedre, Marta Renedo y María Jesús Otero asina como a los empresarios d’Igrafo y Apsa.