Un añu del asesinatu del ñácaru qu’apaeció muertu nun contenedor en Xixón

Los abogaos esperen la comunicación oficial de l’Audiencia Provincial exonerando al padre del ñácaru

Güei cúmplese xusto un añu del atopamientu del cadabre d’un ñácaru nun contenedor en Nuevo Roces. Un sucesu dantescu que conmocionó’l barrio xixonés y tamién a toa Asturies.

Doce meses dempués, el casu ta en plenu procesu xudicial. La Sección Octava de l’Audiencia Provincial, con sede en Xixón, resolverá nos díes vinientes un reecursu presentáu por Silvia A. M., madre del ñácaru y única acusada del asesinatu, a la escontra de que la so ex-pareya sentimental y padre del neñu quede llibre de toa responsabilidá, como asina solicitó la Fiscalía y confirmó la maxistrada del casu.

Mientres, la presunta autora del macabru asesinatu del so fíu a les hores de parir ta "tranquila y adaptada" a la vida penitenciaria, na llinia de frialdá amosada en tol procesu, y los abogaos esperen la comunicación oficial de l’Audiencia Provincial exonerando por falta de pruebes al padre del ñácaru, el vecindariu de Nuevo Roces sigue un añu dempués del sucesu ensin esplicase lo que pasó.

La escena vivida pol hombe que, buscando productos pa la so venta na basura, atopó la mochila colos restos del ñácaru, foi dantesca y imposible d’escaecer.

El 23 de setiembre de 2019, la Policía Nacional prindaba a Silvia, xixonesa de 28 años y madre biolóxica del ñácaru, nel domiciliu frente al que presuntamente tirare a un contenedor el cuerpu del so fíu dempués de coselu a puñalaes.

Dempués de confesar l’autoría de mano, llueu llegaríen abondos cambeos de versión, la que caltién agora ye que foi la so pareya la que llevó al bebé col envís de dexalu al cuidáu de dalguna institución.

Él sigue diciendo que-y ocultó l’embanrazu.