Un mozu escalador mancáu al cayer 40 metros nun macizu rocosu de Teberga

Tuvo que ser rescatáu pol helicópteru medicalizáu del SEPA

Un mozu de 24 años sufrió dellos traumatismos al cayer dende un altor d'ente 30 y 40 metros cuando esguilaba na paré d'un macizu rocosu de la sierra de La Pena Sobia, nel conceyu de Teberga.

El mozu escalador tuvo que ser rescatáu pol Grupu de Rescate de Bomberos del Serviciu d'Emerxencies del Principáu d'Asturies (SEPA), a bordu del helicópteru medicalizáu, que lu treslladó hasta l'Hospital Universitariu Central d'Asturies (HUCA), n'Uviéu, con politrauma de pronósticu reserváu.

Foi atendíu nel llugar del accidente pola médico-rescatadora que, en collaboración con unu de los bomberos-rescatadores, inmovilizólu asitiándo-y collarín cervical y chalecu d'estricación enantes de ser xubíu al helicópteru inmovilizáu nuna camiya.​