Vanessa Gutiérrez axunta con Miquel Iceta pa preparar la candidatura de la cultura sidrera

La conseyera va visitar a los deportistes asturianos que participen nos Xuegos

La Conseyera de Cultura y Derechos Sociales, Vanessa Gutiérrez axuntó en París col embaxador delegáu permanente d'España na Unesco, Miquel Iceta.

El motivu del alcuentru ye'l d'empezar a preparar la candidatura de la cultura sidrera a patrimoniu inmaterial de la Unesco. Ta previsto que se presente y se valore la so idoneidá nuna xunta que se va celebrar en Paraguay n'avientu.

La conseyera tamién va visitar a los deportistes asturianos que participen nos Xuegos y a esta hora asiste al partíu de balonmano ente les selecciones femenines d'España y Brasil, nel que participa la técnica asturiana, Jessica Alonso.

Mañana va axuntar col diseñador de moda tapiegu Arturo Obegero.