Xornaes en Villaviciosa sobre'l caltenimientu de les pumaraes

Técnicos del Serida ufiertaron una clase práctica de poda

Caltener les pumaraes de mazana de sidra tol añu ye fundamental, pero hai actuaciones como la poda d’iviernu que resulten imprescindibles, sobre manera n’años como esti nel que, por mor de la vecería, habrá una gran collecha.

Deprender sobre’l caltenimientu de les pumaraes y de los beneficios de la poda d’iviernu ye lo que busquen les más de 100 persones qu’esta mañana en Villaviciosa participen nuna xornada técnica entamada pol Serida.