Un proyectu de López Otín y López Soto llogra financiamientu del Fondu COVID-19 del Institutu Carlos III

Busca definir dellos aspeutos xenómicos y biolóxicos qu'afiten la interacción del virus

Un proyectu codirixíu por Carlos López Otín y Alejandro López Soto que busca definir dellos aspeutos xenómicos y biolóxicos qu'afiten la interacción del virus SARS-CoV-2 llogró financiamientu del Fondu COVID-19 del Institutu de Salú Carlos III (ISCIII), organismu anexu al Ministeriu de Ciencia y Innovación.

La investigación tien como oxetivu definir dellos aspeutos xenómicos y biolóxicos qu'afiten la interacción del virus coles célules del güéspede, y afitar posibles factores arreyaos nuna mayor vulnerabilidá a la enfermedá na población d'edá avanzada.

Según informó la Universidá d'Uviéu, l'equipu científicu espera que la so investigación amuese información con relevancia potencial pal desenvolvimientu de terapies escontra'l coronavirus.