Asturies impulsa una oficina pa promover la innovación empresarial

Quier aumentar el númberu d'empreses de base tecnolóxica y de pymes innovadores

El Gobiernu d'Asturies va poner en marcha una Oficina de Tresferencia de Conocencia pa treslladar al mercáu los resultaos de la investigación que se fai nel Principáu.

El conseyeru de Ciencia, Innovación y Universidá, Borja Sánchez, presentó esti llunes la iniciativa, que va tener el so orixe nel Centru Européu d'Empreses y Innovación (CEEI), y que quier aumentar el númberu d'empreses de base tecnolóxica, de filiales (spin-off) procedentes del ecosistema investigador y de pymes innovadores.

El CEEI va encargase d'asesorar y guiar esta tresferencia por parte de les entidaes xeneradores de conocencia, mientres que la Universidá d'Uviéu, centros d'investigación y centros tecnolóxicos van ser los primeros beneficiarios, pese a que tamién van poder recurrir a esta oficina pequeñes firmes que nun tienen capacidá de tresferir conocencia elles soles.​