Espaciu n'homenaxe a Margarita Salas nel Parque de la Vida

'Ciencia en L.luarca' reconoz el llabor divulgativu de la científica

Mediu añu dempués del so fallecimientu, la figura de Margarita Salas sigue mui presente en Valdés. Esta mañana, y con cuasi dos meses de retrasu sobre la fecha prevista pola mor del coronavirus, el Parque de la Vida que'l Cepesma tien en Valdés abría les puertes d'un nuevu espaciu n'homenaxe a la científica valdesana.

Una referencia al detalle del espaciu onde la científica fizo'l so llabor. Sol nome 'Ciencia en L.luarca' reconoz el llabor divulgativu de Salas y al so mentor Severo Ochoa.

Podemos atopar elementos tan singulares como la so bata de trabayu orixinal nel Centru de Bioloxía Molecular, de Madrid, apurrida pola so fía.

Una invitación al análisis y a la reflexón sobro la importancia de la ciencia y de la que Margarita Salas ye yá un símbolu imperecederu.