CCOO asegura que Vesuvius ganó 2,8 millones d'euros l'añu pasáu

El sindicatu encamienta al Gobiernu a apretar a la multinacional pa que retire l'ERE

El secretariu xeneral de CCOO d'Industria d'Asturies, Damián Manzano, encamentó esti martes al Gobiernu central en funciones a que "aprete" al grupu Vesuvius y convoque "una mesa única" de negociación pa que la empresa retire l'ERE pal cese de la so actividá manufacturera en Llangréu y Miranda de Ebro, onde cuenta con 111 y 17 emplegaos, respectivamente.

En rueda de prensa, Manzano encamentó al Executivu a que convoque una mesa única de negociación na que tean presentes representantes de la multinacional, de los trabayadores y de los gobiernos nacional, del Principáu y del Conceyu de Llangréu.

Un espediente de regulación que nomó de "vergonzosu" yá que, al so xuiciu, fízose de forma artificial, nun enfotu d'aumentar los so “beneficios" y sosteníu "nun problema falsu" de productividá como señalen les cuentes positives que presenta la economía de la multinacional n'España, conseñó Manzano.

Nesti sen, el líder sindical apuntó qu'en 2018 les ventes d'esta empresa dedicada a la ellaboración de productos refractarios pa la siderurxa xubieron a 42,7 millones anque baxaron un 2,8% respecto al exerciciu anterior dempués de crecer un 21% al respective de 2016.