DiecolPet llanza un repelente ecolóxicu pa perros y gatos

El productu evita que los animales marquen les zones onde s'aplica

En Llaviana entamaron a aplicar en parques infantiles un repelente ecolóxicu pa evitar que perros y gatos fagan les sos necesidaes. El productu, que nun ye dañín p’animales o persones, resulta desagradable pal olfatu finu de los animales. Esto evita que marquen territoriu nes zones nes que s’aplica, poro, l’Ayuntamientu de Llaviana entamó a usalu en parques infantiles.

DiecolPet ye una pequeña empresa de Llaviana especializada en productos ecolóxicos de llimpieza de que sacó al mercáu, amás, un repelente pa perros y gatos.

L’oxetivu ye evitar que fagan les sos necesidaes en zones nes que puen provocar un problema sanitariu, ensin mancar al animal.

El repelente val pa esteriores y interiores, poro, pue usase dientro de les cases, pa correxir conductes sucies de los nuestros compañeros de cuatro pates.

Esta empresa precursora recibe yá pidimientos de zones del sur d’España, onde la poca lluvia y el calor, medren el problema de los golores.