Escrivá remata la reforma de pensiones colos sindicatos y l'aval européu

CCOO y UXT sofiten la reforma de les pensiones

El ministru d'Inclusión, Seguridá Social y Migraciones, José Luis Escrivá, selló esti miércoles l'últimu bloque de la reforma de les pensiones, pautada nel Gobiernu de coalición, col sofitu de Bruxeles y col respaldu de los sindicatos.

Dos años dempués de cerrar el primer pactu sobre pensiones, que volvió venceyales a la inflación entre otres midíes, el Gobiernu llogró cumplir los finxos comprometíos con Bruxeles pal nuevu desembolsu de fondos con una batería de midíes focalizaes en meyorar los ingresos del sistema pa garantizar la so "sostenibilidá, equidá y suficiencia".

"Rematamos la modernización del sistema de pensiones", defendió esti miércoles Escrivá na firma del alcuerdu sobre la reforma colos secretarios xenerales de CCOO y UXT, Unai Sordo y Pepe Álvarez, qu'afearon l'ausencia de la patronal nesti pactu.