Noticies n'asturianu
Fuente: RTPA, 21 de agostu. 2023 18:17

La Fidma despídese hasta l'añu que vien

En castellano: La Fidma se despide hasta el año que viene
Desmontaje de la Fidma 2023

La Feria de Muestres bate de nuevo'l so récord de xente y algama 743.812 visitantes

Dende primer hora de la mañana, el recintu ferial Luis Adaro de Xixón ye un dir y venir de camiones y furgonetes.

 

Toca desmontar los estands de los 720 espositores qu'enllenaron los 160.000 metros cuadraos de pabellones y otres superficies que la Feria Internacional de Muestres d'Asturies pon a la so disposición.

 

Cames, sofás, automóviles, pequeños electrodomésticos, tolos productos espuestos tienen que quitase. Amás de tarimes, paneles y otros elementos.

 

El desmontaxe ye la parte más visual de la mañana del eventu económicu más importante del añu n'Asturies, la Feria de Muestres más grande d'España, como asegura'l so organizador.

 

Según los sos datos, la edición númberu 66 de la Fidma, foi la más visitada con 743.812 asistentes, cuasi 2.800 más que l'añu pasáu. Xubida especial ente los nacionales y internacionales.

 

Récord tamién pal númberu d'actividaes: 120 actos empresariales, políticos, científicos, culturales o deportivos que faen que la Feria de Muestres algame una dimensión muncho mayor que la económica.

 

Comparte