Los trabayadores d’Aluiberia reincorpórense’l llunes a los sos puestos de trabayu

Los directivos de Parter Capital caltendrán horarios y darán formación pa nueves funciones

Los trabayadores d’Aluiberia y los directivos de Parter Capital, comprador de l’Aluiberia, aconceyaron esta mañana.

Les primeres conclusiones de les tres tomes de contactu que tuvieron colos trabayadores de l’antigua Alcoa, son que los trabayadores van incorporase’l llunes a los sos trabayos.

Dalgunos trabayadores caltienen nel so puestu colos mesmos horarios, y otros recibirán formación pa incorporase n’otros llabores afayadizos pal funcionamientu de la nueva Aluiberia. La so producción tará centrada nel aluminiu secundario pa los sectores d’automoción y aeroespacial.

Munchos trabayadores salieron contentos de les xuntes, pero otros amosáronse resignaos y inclusive indignaos, porque, aseguren, les cubes d’electrolisis nun creen que puean arrancales.