Los trabayadores de Vesuvius percuerren el mercáu selmanal de Mieres

Informaron a los vecinos de la marcha que van facer mañana y pa la que piden el máximu sofitu y participación

Los trabayadores de Vesuvius percorrieron güei'l mercáu selmanal de Mieres pa informar a los vecinos de la marcha que van facer mañana y pa la que piden el máximu sofitu y participación.

El respaldu y el ciñu de vecinos y comerciantes son pa la plantiya una inyección de fuerza pa siguir lluchando polos sos puestos de trabayu.

Confíen en que'l percorríu de mañana, ente la planta de Riañu y la Casa Conceyu de Llangréu, seya una marea naranxa escontra'l desempléu.

La diputada de Xuníes Podemos, Sofía Castañón, amosó'l so sofitu a los trabayadores.

La movilización va siguir el martes, día 24, con otra marcha que tamién va salir de la factoría hasta la Xunta Xeneral del Principáu d'Asturies. Al acabar, la plantiya, formada por 111 persones, espera poder axuntase con una representación de los representantes políticos.