Parter presenta garantíes y ciérrase la venta de les plantes d'Alcoa

Les garantíes adicionales que se-y piden a Parter Capital xuben a 30 millones de dólares

El fondu suizu Parter Capital presentó les garantíes de lliquidez que se-y piden pa la compra de les plantes d'Alcoa n'A Coruña y Avilés, colo que la compraventa de les fábriques, que la multinacional estadounidense d'aluminiu quería cerrar, va executase esti miércoles.

La ministra d'Industria, Reyes Maroto, comunicó la noticia tres la xunta de la comisión de siguimientu de los alcuerdos pol caltenimientu de l'actividá industrial nes dos fábriques.

Les garantíes adicionales que se-y pidíen a Parter Capital xuben a 30 millones de dólares (unos 27 millones d'euros) y esa cantidá nun va ser recibida por Alcoa, sinón que va quedar como sofitu de les futures operaciones de les plantes.