Vesuvius fai de menos la negociación con Industria y el Principáu

Decepción y enfadu ente los asistentes a la xunta técnica

Decepción y enfadu ente los asistentes a la xunta técnica pol futuru de Vesuvius. Representantes sindicales y del comité d'empresa coinciden nes crítiques a la multinacional por unviar a esta mesa de negociación a persones ensin poder de decisión.

Agradecen a los representantes de los gobiernos central, rexonales y locales el so compromisu y la so participación activa nesta llucha escontra'l zarru. Tamién nesti grupu dexaron claru'l so refugu escontra l'actitú de Vesuvius.

Dende Comisiones Obreres aseguren que van siguir coles movilizaciones y anuncien una demanda nos tribunales de Londres, ciudá na que Vesuvius tien la so sede social. Amás tienen prevista una xunta esti xueves con europarlamentarios españoles, ingleses y suecos en Bruxeles.