Sánchez afirma qu'Ortiz fixo'l so trabayu mientres Ayuso pudo beneficiase de la so pareya

Pedro Sánchez pidió la dimisión d'Isabel Díaz Ayuso

El presidente del Gobiernu, Pedro Sánchez, sofitó al Fiscal Xeneral del Estáu porque cree que "fixo'l so trabayu, persiguir al delincuente", y apuntó a la presidenta de la Comunidá de Madrid, Isabel Díaz Ayuso, pidiendo la so dimisión y señalando que pudo beneficiase de l'actividá de la so pareya.

Sánchez sofitó a García Ortiz en rueda de prensa en Bruxeles dempués de que'l Tribunal Supremu decidiera abrir una investigación por presunta revelación de secretos en relación cola causa por presuntu fraude fiscal de la pareya d’Ayuso.

El xefe del Executivu dixo que'l Gobiernu respeta la decisión del Tribunal Supremu pero repitió'l sofitu a l'acción del Fiscal Xeneral yá espresáu por otros miembros del Gobiernu y xustificólu.