El Gobiernu cunta col mayor númberu de vicepresidentes de la hestoria de la democracia

Sánchez garantiza'l "firme propósitu d'unidá" del Gobiernu de coalición

El gobiernu presidíu por Pedro Sánchez va ser el que cunte con un mayor númberu de vicepresidentes de la hestoria de la democracia, llegando a los cuatro. Carmen Calvo, Pablo Iglesias, Nadia Calviño y Teresa Ribera son les muyeres y l'home que van tar per detrás del presidente Pedro Sánchez.

El presidente del Gobiernu, Pedro Sánchez, garantizó'l "firme propósitu d'unidá" del so Executivu de coalición ente'l PSOE y Xuníes Podemos que "va tener delles voces, pero una mesma palabra".

Nuna comparecencia nel Palaciu la Moncloa na que dio cuenta de la composición del so nuevu gabinete, Sánchez defendió'l perfil del so nuevu gabinete que va tener como pilastres "el diálogu, l'entendimientu y la convivencia de families polítiques distintes".