Antonia Iglesias, un llibru d'anécdotes y histories

La vecina de mayor edá del conceyu de Tapia

Antonia Iglesias tien 101 años. Ye la vecina de mayor edá del conceyu y un verdaderu llibru abiertu d'anécdotes y histories.

Tuvo cuatro fíos del so matrimoniu cuando tenía 22 años. La vida d'esta tapiega, como la de munches otres muyeres d'esa dómina, tuvo marcada pol trabayu. Dir a escuela yera un lluxu, había que trabayar por comida, principalmente.

La vida d'Antonia ta venceyada a Tapia y a una de les empresas más afitaes que tuvo nel conceyu, la fábrica de conserva Albo.

Entamó'l so funcionamientu dempués de la Guerra Civil y ehí desendolcó los sos últimos 24 años de vida llaboral. Teníen que descargar camiones enllenos de pescáu: anchoa, bonitu, chicharru yeren los sos compañeros caldía. Kilos y kilos de pesu nos sos brazos munches hores y inclusive de madrugada. Y amás de munchu trabayu unos sueldos que, por aquel entós, nun yeren gran cosa.

Antonia llegó a los 65 años y algamó la so xubilación. Güei la fábrica nada tien que ver cola d'antaño. Les instalaciones son muncho más modernes. Güei la empresa nun ye española, un grupu chinu ye'l dueñu de la marca, que sigue envasando dellos productos.

Antonia vive mui cerca de la fábrica de conserva, reconoz que nun la echa de menos pero sí-y gustaría volver al pasáu y esfrutar d'una mocedá que, a pesar que foi dura, sigue emocionándola.