Webcams
Buscar
Los restos mortales del que fuera arzobispu d'Uviéu descansen a los pies de la Virxe de Cuadonga
Los restos mortales del que fuera arzobispu d'Uviéu más de tres décades, Gabino Díaz Merchán, descansen dende güei a los pies de la Virxe de Cuadonga, nuna de les capiyes de la catedral de la capital asturiana na que güei se celebró'l funeral del preláu, muertu'l pasáu martes a los 96 años.
L'arzobispu d'Uviéu, Jesús Sanz Montes celebró la misa exequial en presencia del cardenal Carlos Osoro, l'arzobispu de Toledo, Francisco Cueto, los obispos de Sigüenza-Guadalajara, Atilano Rodríguez; Santander, Manuel Sánchez; Lleón, Luis de les Heras; y Astorga, Jesús Fernández, ente otros mitraos auxiliares y eméritos, sacerdotes y diáconos concelebrantes.
El presidente del Principáu, Adrián Barbón, xunto con diputaos nacionales y autonómicos, autoridaes civiles, xudiciales, académiques, militares y de los cuerpos de seguridá del Estáu siguieron les exequies xunto a familiares, amigos y cientos de fieles que se dieron cita nel templu pa despidir al arzobispu eméritu, que destacó pol so calter conciliador y espíritu de concordia.
