Cadavéu recuerda'l so galardón de Pueblu Exemplar de 2022

Nel últimu añu doblen el númberu de visitantes gracies al premiu

Puntuales, los vecinos de Cadavéu punxéronse delantre’l televisor pa siguir la entrega del premiu al Pueblu Exemplar. Va un añu yeren ellos los que protagonizaben esti día, como recuerda Javier Fernández, vecín del pueblu.

Foi una mañana de recuerdos. Imposible escaecer la lluvia d’aquel día o la indisposición de la princesa Leonor, como cunta otra vecina, Sonia Martínez.

Un premiu que potenció entá más a Cadavéu como destín turísticu. Nesti 2023 doblóse’l númberu de visitantes. Asina lo afiten Chus Martín y José Tapia, turistes de Salamanca.

La presencia real dio más publicidá al pueblu. Daqué qu’afiten tanto restauranes como agospios rurales, como’l de Samuel Méndez, de Casa Carín, o Javier Fernández, del hotel-restaurán AsturRegal.

Y anque toca pasar el testigu, Cadavéu yá ye pa siempres Pueblu Exemplar.