Cientos de persones reciben a la familia real n'Arroes

Vecinos y visitantes, presentes na entrega del galardón al Pueblu Exemplar 2023

Coles p’acceder a primer hora de la mañana y carreres pa garrar sitiu en primer filera. Yeren munches les ganes del públicu de ver a la familia real de cerca. Dalgunos estrenáronse güei, como Manolita González y Inés Pidal, vecines de Xixón.

Y otres repiten per sesta vegada, como esti grupu de seis amigues de Santander vistíes pa la ocasión, ente les que taben Loli Abascal y Julia González.

Tamién taben los vecinos d’Arroes, como Verónica Herrero o Laura Soriano, participantes na representación del mercáu tradicional.

Los pequeños del CRA de Les Mariñes tamién dieron regalos y falaron cola princesa, como ficieron Celia y Damián Díaz.

Gaites y asturianaes fueron la banda sonora d’un día históricu pa toles xeneraciones d’esti valle maliayu.