Cumplimientu de les lleis pa la igualdá total

El primer parllamentu asturianu resultante de les elecciones de 1983 tuvo cuatro muyeres

Nel camín a la igualdá total ye nuclear que se cumplan les lleis que yá hai p’algamalo. Lleis que salen de parllamentos como l’asturianu, onde va cuasi 40 años namás había cuatro muyeres de los 45 diputaos, güei son 20, cuasi la metá.

Ente 1978 y 1979, Eloína Suárez foi alcaldesa d’Uviéu pero nun sentó precedente. Nenguna muyer foi escoyida alcaldesa nes primeres elecciones locales dempués del franquismu. Esi mesmu 1981 María del Mar Suárez foi la primer rexidora local n’Asturies por dimisión del alcalde. Güei hai una ventena d’alcaldeses nos 78 conceyos asturianos, ente elles les de dos de les principales ciudaes asturianes: Ana González en Xixón y Mariví Monteserín n’Avilés.

Güei hai muyeres en puestos onde enantes los más yeren homes. Esther Fernández ye la fiscal cimera d’Asturies dende 2013. Menos tiempu lleva Luisa María Benvenuty como xefa cimera de la Policía d’Asturies. El de so ye un mundu qu’hasta va 40 años yera esclusivu d’homes, pero nel que ganen pesu les muyeres. En 2018 un total de 52 muyeres algamaron una de les 132 places de la escala executiva, mientres en 1980 fueron 20.

El primer Gobiernu salió de les urnes n’Asturies, el de Pedro de Silva en 1983 nun tuvo nenguna muyer, el segundu, en 1987 tuvo a Paz Fernández Felgueroso, conseyera d’Industria, Comerciu y Turismu y Pilar Alonso conseyera de Mocedá. Güei, el gobiernu del Principáu cunta con cinco muyeres, la metá del total.