El cambéu climáticu traerá a España enfermedaes como'l Chagas, alvierte la DNDi

Pizarro alvierte de que nun se pue pretender "vivir nuna burbuya cuando'l mundu ta interconectáu"

El cambéu climáticu y los movimientos de poblaciones puen conllevar la llegada d’enfermedaes tropicales a España, como’l Chagas, que pue convertise "nuna de les principales causes de tresplante cardiacu n’España", alvirtió esti miércoles el director executivu d’Iniciativa Medicamentos pa Enfermedaes Desatendíes (DNDi), Luis Pizarro.

Luis Pizarro, principal responsable de DNDi, distinguida col Premiu Princesa d’Asturies de Cooperación Internacional 2023 pol desendolcu de nuevos tratamientos pa pacientes de comunidaes probes y vulnerables, visitó’l parllamentu asturianu pa tener un alcuentru con autoridaes y miembros del ecosistema sanitariu de la comunidá autónoma.

Na charra que protagonizó, Pizarro alvirtió de que nun se pue pretender "vivir nuna burbuya cuando’l mundu ta interconectáu" como se demostró cola pandemia del coronavirus.