Fina José Antonio Fernández, ex-director científicu del Xardín Botánicu

Destacó pol so llabor investigador y la conocencia de la flora cantábrica

L’Ayuntamientu de Xixón llamentó la muerte de José Antonio Fernández Prieto, miembru del equipu del Institutu de Recursos Naturales y Ordenación del Territoriu que desendolcó la creación del Xardín Botánicu Atlánticu, del que foi’l so director científicu na so etapa inicial.

Catedráticu de Botánica y investigador, José Antonio Fernández Prieto destacaba por una gran conocencia de la flora cantábrica y pol so llabor investigador, informó’l Consistoriu.

Siempres defendió que los oxetivos del Xardín Botánicu teníen que ser la divulgación de los recursos vexetales, la investigación en campos de la bioloxía vexetal como l’estudiu y caltenimientu de plantes silvestres amenazaes o d’hábitats silvestres y la formación profesional y universitaria.