La Bonturnè asoleya 'A contraforga'

El discu inxerta composiciones de so, orixinales o adaptaciones

'El puertu' ye ún de los temes tradicionales arreglaos pal estilu de La Bonturnè como esplica David Varela, ún de los miembros del cuartetu.

El discu inxerta tamién composiciones de so, orixinales o adaptaciones. La intención d’esti cuartetu ye la mesma, un repertoriu pa la fiesta que bebe siempres de la música tradicional.

Merce Santos, David Varela y Santi Caleya lleven más de 30 años tocando xuntos en distintes formaciones, la última La bandina. Col fichaxe del contrabaxista David Casillas formen La Bonturnè. Santi Caleya reconoz que’l nome nun significa nada, pero suena a francés y por eso-y presta.

Dempués d’una temporada actuando como cuartetu decidiéronse a grabar esti 'A contraforga'. Pa sentilos y baillallos en directo hai qu’esperar a xunu en Xixón y xunetu n’Uviéu.