La Fundación Princesa d'Asturies zarró 2021 con un beneficiu de 650.000 euros

Los reis presiden la xunta col patronatu de la Fundación Princesa d'Asturies

Los reis presidieron esti martes la xunta col patronatu de la Fundación Princesa d’Asturies (FPA), la primera dempués del relevu acordáu na presidencia de la institución, que pasará a exercela Mauro Guillén dende’l mes d’avientu viniente en sustitución de Luis Fernández-Vega.

El Palaciu Real volvió a ser l’escenariu del alcuentru, nel que don Felipe y doña Letizia, nos saludos previos, felicitaron a Guillén pol so nomamientu, que se formalizó na sesión del patronatu celebrada n’Uviéu’l 26 de mayu pasáu.

Dempués de cuatro años al frente de la FPA y al cumplir 70 años, la edá máxima afitada nos estatutos de la institución, Fernández-Vega cederá’l testigu a Guillén una vegada que se celebre la ceremonia d’entrega de los Premios Princesa d’Asturies 2022 a finales d’ochobre.