La familia real visita Arroes, Pion y Candanal

Entreguen la placa a les parroquies ganadores del premiu al Pueblu Exemplar 2023

Los reis, la princesa Leonor y la infanta Sofía despidiéronse d’Asturies cola tradicional visita al pueblu exemplar, qu’esta vegada recayó n’Arroes, Pion y Candanal, parroquies del conceyu de Villaviciosa que revitalizaron amestando la tradición y la tecnoloxía.

En tres hores, la familia real percorrió los tres pueblos en metá del entusiasmu de los vecinos, que-yos enseñaron dalgunes de les sos costumes, como la ellaboración de la sidra, una de les señes d’identidá del conceyu.

“A ver si deprendo yo a escanciar”, marcóse como retu la princesa d’Asturies nes sos palabres a la xente del llugar que taba nuna campa dempués de da-yos el diploma del pueblu exemplar.