Webcams
Buscar
Los reis, la princesa Leonor y la infanta Sofía, reciben a los galardonaos colos Premios Princesa d'Asturies
Leonor de Borbón apurre les insinies a los premiaos
La princesa Leonor, acompañada polos reis y la infanta Sofía, apurrió esti vienres les insinies a los ganadores de la 42 edición de los Premios Princesa d'Asturies nel tradicional actu celebráu nel Hotel Reconquista d'Uviéu.
La imposición de les medayes ye'l prólogu a la ceremonia de los galardones, que va tener llugar esta tarde nel Teatru Campoamor.
L'antigua capiya foi l'escenariu onde la familia real recibió a los premiaos y los sos acompañantes énte les banderes de los sos respectivos países, nesta ocasión ensin mázcaros una vez que se suprimieron les restricciones sanitaries pola pandemia que marcaron les dos últimes ediciones de los premios.
