Más de 7.000 estudiantes participarán nes xornaes d’orientación universitaria 'Uniovi'

La iniciativa busca informar a los alumnos y les sos families de la ufierta académica qu’hai

Más de 7.000 estudiantes de Bachilleratu, Ciclos Formativos y 4º de la Eso participarán hasta’l xueves nes xornaes d’orientación universitaria 'Uniovi'.

Entamaron güei y el so oxetivu ye informar a estudiantes y a les sos families de la ufierta académica. Ente les más demandaes, Medicina o Derechu, pero tamién nueves, como Animación o Moda.

Juan Olea entá nun sabe si quedará a estudiar n’Asturies. Derechu ye una de les sos opciones. Lo que sí considera ye que la formación académica tien más salíes.

Munchos nun ye la primer vegada que vienen. Estes xornaes sirven, dicen, pa despeyar duldes.

Háilos que yá saben que nun cursarán estudios universitarios, o saben que la so opción nun ta n’Asturies.

Les sesiones de la mañana diríxense a estudiantes. Pela tarde, a les families.