Maxi Rodríguez estrena 'Porno' nel Palacio Valdés

Una comedia que mira a los güeyos del consumu de la pornografía

El dramaturgu asturianu Maxi Rodríguez estrena nel Palacio Valdés 'Porno', una comedia que mira a los güeyos del consumu de la pornografía. Un tema polémicu que se xube a escena ensin frivolidá y ensin delicadeza.

En plenes fiestes navidiegues, un tipu descubre un videu porno del so cuñáu nuna páxina web, lo que fai que les celebraciones familiares seyan diferentes esti añu. Ye’l puntu de partida d’una comedia qu’afonda nos distintos significaos de la pornografía nuna sociedá empantallada y mui contradictoria.

Un testu que convida a reflexonar, al traviés de la risa, a dexar les pantalles y a mirar directamente a los güeyos. Teatru pa desenmascarar la realidá d’otra ficción: la del porno.

Anacelia Álvarez, Sandro Cordero, Cristina Lorenzo y Roca Suárez interpretarán a los dos matrimonios que celebren xuntos les fiestes navidiegues.

'Porno' sedrá esta tarde estrenu absolutu nel Teatru Palacio Valdés d’Avilés.​