Uviéu vuélcase colos Premios Princesa d’Asturies

Un añu más, cerca de mediu millar de persones, xuntáronse p’amosar el so refugu

La ciudá d’Uviéu volcóse colos Premios Princesa d’Asturies 2019. Fuera del Teatru Campoamor cientos de persones esperaben la llegada de los premiaos y la familia real.

Esti añu, el perímetru de seguridá amplióse, poro, munchos de los curiosos tuvieron que movese pela cai Uría y inclusive per Conde Toreno pa ver la llegada de tolos asistentes a la ceremonia d’entrega.

Amás, un añu más, cerca de mediu millar de persones xuntáronse na plaza de La Escandalera p’amosar el so refugu a los Premios, protesta qu’acompañaron con banderes y pancartes en favor de la república y abucheos a autoridaes y premiaos.

Los manifestantes tamién amosaron mensaxes escontra la precariedá llaboral n’Asturies, reclamando alternatives de futuru pa les xeneraciones vinientes.