Xixón homenaxa a dos de los sos arquiteutos más pernomaos por mor del 150 aniversariu de la so nacencia

'Arquitectura, ciudá y identidá' recueye planos y dibuxos de Miguel García de la Cruz y Manuel del Busto

Xixón rinde homenaxe a dos de los sos arquiteutos más pernomaos por mor del 150 aniversariu de la so nacencia. 'Arquitectura, ciudá y identidá' recueye mediu centenar de planos y dibuxos de Miguel García de la Cruz y Manuel del Busto, responsables de dalgunes de les construcciones más emblemátiques de la ciudá.

El paséu d'El Muro, bona parte de los cines de Xixón o la estación d'autobuses son exemplos del so legáu. Al calor de la industrialización y la consiguiente crecedera urbanística en Xixón, son en bona midida responsables de dar a la ciudá una nueva imaxe, dende propuestes que van dende'l modernismu hasta'l racionalismu.

Un total de 55 planos y dibuxos orixinales dan forma al gruesu de la esposición. Na so mayoría vienen de los fondos municipales. Per primer vegada espónense al gran públicu.

Una amuesa que convida a la reflexón. Y ye que munchos d'esos edificios yá fueron valtaos o sufrieron importantes tresformamientos.