Atropelláu un osu en Somiedu

Mancáu nuna mano y una pata

Un osu adultu resultó atropelláu ayeri pela nueche en Santiagu, nel conceyu de Somiedu. El vecín que diba al volante avisó a los servicios d’emerxencies, pero cuando llegaron a la zona l’animal yá escapare.

Según pudo saber TPA Noticies, buscóse al osu de madrugada ensin éxitu, y yá al amanecer púnxose en marcha un operativu qu’algamó dar col osu.

Al paecer, ta mancáu nuna mano y una pata, poro, efectivos de la Conseyería de Mediu Rural intentarán sedalu pa poder ayudalu.